Björgunarsveitin Strönd

Tækjamót Landsbjargar verður haldið laugardaginn 27 mars á svæði 9.  Sveitirnar á þessu svæði  sjá um framkvæmd á  mótinu sem verður með svipuðu sniði og verið hefur.   Björgunarsveitum af öllu landinu er boðið að taka þátt í mótinu og má því reikna með töluverðum fjölda tækja og mannskaps á svæðið.   Venjan hefur verið sú að sveitirnar safnast saman á föstudagskvöldinu og svo á laugardeginum eru í boði nokkrar mismunandi leiðir til að fara sem henta hverjum tækjaflokki fyrir sig. Seinnipart laugardagsins er svo matur í boði Landsbjargar fyrir allan hópinn.  Nú er bara að vona að það hverfi ekki allur snjór hér á svæðinu,  það gerir leiðarval mjög erfitt ef enginn er snjórinn og gæti komið til þess að fresta þyrfti mótinu svo vonandi bætir heldur í snjóinn þegar nær dregur.   Nánari dagskrá og skráning verður auglýst síðar.  

Mynd frá tækjamóti 2002